“आमा”
म हरिकृष्णको आमा दुर्गामाया
चाउरिएको गाला र थिथिल म
प्यासिएको मेरो गाला
नजिकैको ढलोट ल्याईदेऊ भन्दा
एउटालाई समय नहुने
अर्कोले मुन्टो बटार्ने
म बुढी प्यासीको प्यासी नै
थुक निल्दै घाटी रसाउन बाध्य म
तर पनि मेरो कुनै गुनासो छैन
आखिर म त उसको आमा न हुँ
यो संसार देखाऊने आमा !!!!!!!!!
म हर्के बहादुरको आमा सितादेबी
सानैमा यसको बुवाले
यो धर्ती छाडे पछि
आफ्नो चाहनालाई तिलान्जली दिदै
यही सन्तानको मुख हेर्दै
भरोसामा बाचेको म
आज बृदाआश्रममा मलाई एक्लै छाडेर
ऊ आफ्नै संसारमा हराउदै छ
म उसको जिबनमा बोझ भए रे
र त मलाई यो निराकार ठाउँमा छोडेको छ
र पनि मेरो कत्ति दुखः मनाउ छैन
कारण म त उसको आमा न हुँ
उसको शिरमा मेरो सधै आशीर्वाद छ !!!!!!!
म लिलाको आमा फूलकुमारी
मेरो सन्तान भन्नु नै उही थिई
थुप्रै सपना बुन्दै थिई
भरोसा कुरा गर्थी
तर आज समय फेरिएको छ
बिबाहमा पछि ऊ बदलिएकी छ
र त मेरो लालपुर्जा उसको नाममा छ
आफ्नो यहाँ उठीबास छ
र पनि कत्ति दुखः मनाउ छैन
आखिर म त उसको आमा पो हो
सन्तानको खुसी नै मेरो खुसी
सन्तानको खुसी नै मेरो खुसी !!!!!!!!!!!!
म रेशमको आमा पूर्णकुमारी
छोरोको नामले चिनिदा
यो छाती गर्वले फुल्छ
तर धरातल अर्कै छ
मनको बह कसरी कहुँ
घरमा न कोहि बोल्ने
न त रसिलो खान पाउने
मौनता राख्न पर्ने
यो कस्तो जुर्म भयो
र सोच्न बाध्य हुन्छु
अंह केहि पाउदिन
शिवाय मेरो चाउरिएको गाला
र पनि मेरो कुनै गुनासो छैन
आखिर म त उसको आमा हो
उसलाई पालेको दिन सम्झन्छु
र पनि दुखः लाग्दैन
आखिर म त उसको आमा न हुँ
आखिर म त उसको आमा न हुँ !!!!!!!!